БНАСАУ-ын удирдагч Ким Жон Ун ОХУ-д айлчлал хийж байгаа. Тэрбээр өчигдөр ОХУ-ын Хасан боомтоор нэвтэрсэн бөгөөд Оросын талаас улаан хивсний ёслол зохион байгуулж, зочдоо хүлээн авсан талаар “TASS” агентлагаас мэдээлжээ. БНАСАУ-ын удирдагч Ким Жон Уны айлчлал өнөөдөр хоёр дахь өдрөө үргэлжлэх бөгөөд хэд хэдэн албан уулзалт, хэлэлцээ хийх хуваарьтай байгаа гэнэ.

                         Тэгвэл шинэ мэдээллээр Ким Жон Уны ОХУ-д хийж байгаа айлчлалтай зэрэгцэн Хойд Солонгосоос хоёр баллистик пуужин харвасан талаар БНСУ-ын эх сурвалжууд мэдээлжээ. Тодруулбал, баллистик пуужингуудыг Пеньяны Сунан бүсээс зүүн тэнгис рүү орон нутгийн цагаар 11:43 цагт харвасан байна.