Африкийн Кабо-Верде арлын орчимд сүйрсэн загас агнуурын завь олджээ. Орон нутгийн аврах албанаас мэдээлснээр завь далайн шуурганд осолдсон бөгөөд 38 хүн амьд үлдсэн гэнэ. Ослоос амьд үлдэгсдийн мэдээллээр тус завь долдугаар сарын 10-нд Сенегалаас хөдөлсөн бөгөөд осол хэзээ болсон нь тодорхойгүй байсан. Тэгвэл Сенегалаас хөдөлж Кабо-Верде арлын орчимд осолдсон тус завин дээр 100 орчим цагаач байсан талаар Олон улсын цагаачлалын албанаас мэдээлжээ.

Орон нутгийн Онцгой байдлын албанаас осолдсон завины ойр орчмоос долоон хүний цогцос гаргаж авсан бөгөөд 56 хүн эрэн сурвалжилж эхэлсэн байна.