Хөл бөмбөгийн эмэгтэйчүүдийн ДАШТ Шинэ Зеландын Окленд хотод болж өндөрлөв. Ес дэх удаагаа зохион байгуулагдаж буй эмэгтэйчүүдийн ДАШТ-ий аваргын төлөө Испани, Английн шигшээ баг тоглосон бөгөөд тоглолтын үндсэн цагт Испанийн шигшээ баг Ольга Кармонагийн оруулсан гоолоор ялалт байгуулжээ. Улмаар Испанийн эмэгтэйчүүдийн шигшээ баг 30 гаруй жилийн түүхтэй хөл бөмбөгийн эмэгтэйчүүдийн ДАШТ-д түрүүлсэн тав дахь баг болсон аж.

                              ДАШТ-ий шилдэг тоглогч буюу “Алтан бөмбөг”-ийн эзнээр Испанийн шигшээ багийн тамирчин Айтана Бонмати гурван гоол, хоёр гоолын дамжуулалттайгаар шалгарчээ. Харин тэмцээний шилдэг хаалгачийг Английн шигшээ багийн тамирчин Мэри Эрпс, шилдэг залуу тоглогчийн шагналыг Испанийн шигшээ багийн тамирчин Салма Параллуэло хүртсэн байна.