БНЭУ-ын Гималайн бүс нутагт үер бууж, хөрсний гулгалт үүсжээ. Гамшгийн улмаас 41 хүн амиа алдаад байгаа бөгөөд Гималайн хойд хэсэгт орших Химачал Прадеш, Уттаракханд мужид автомашин, байшин, барилга урсаж, хэдэн арван хүн дарагдаад байгаа аж. Үерийн улмаас дээрх нутгуудаар цахилгаан тасарч, харилцаа, холбоо барих боломжгүй болсны улмаас олон мянган хүн усанд боогдож, холбоогүй байгаа юм байна.

Одоогоор Гималайн бүс нутаг дахь муж, хотуудын бүх сургууль, цэцэрлэгийн үйл ажиллагааг зогсоож, 700 гаруй авто замын хөдөлгөөнийг хаажээ.