Дэлхийн бизнесийн салбарын магнат Элон Маск, Марк Цукерберг хоёр энэ сарын сүүлчээр Италид тулалдахаар болжээ.

                         Тодруулбал, дэлхийн тэргүүн баян, “Tesla”, “SpaceX” компанийн үүсгэн байгуулагч Элон Маск, “Facebook”, “Meta”-г үүсгэн байгуулагч, тэрбумтан Марк Цукерберг нар холимог тулаанаар тулалдах яриа өнгөрсөн зургадугаар сард цахим сүлжээнд түгсэн. Цахим сүлжээ хэрэглэгчдийн гаргасан яриа Элон, Марк хоёрт хүрсэн бөгөөд хоёул тулалдах саналыг хүлээн авч, зөвшөөрөөд байгаа юм байна. Олон улсын хэвлэлүүдээр тулааныг Италид зохион байгуулахдаа Эртний Ромын тулалдах арга барилаар тулалдана гэсэн мэдээлэлд Элон Маск тайлбар хийж, “Италийн Ерөнхий сайд, Соёлын сайдтай ярилцаж, тохирсон. Эртний Ромын эсвэл орчин үеийн гэсэн зүйл байхгүй. Хаана, ямар хэлбэрээр зохион байгуулахаа тохирчихсон” гэжээ. Харин Марк Цукерберг “Тулаанд тийм ч их ач холбогдол өгөхгүй байгаа” талаараа “BBC” агентлагт хэлсэн байна.

Дэлхийн бизнесийн салбарыг тэргүүлж байгаа хоёр тэрбумтны тулаан наймдугаар сарын 26-нд Италид болно. Гэхдээ тулаан гэхээсээ илүүтэй өгсөн сэдэв дээр асуудал дэвшүүлж, мэтгэлцээн хэлбэрээр үргэлжлэх бөгөөд Элон Маскийн “Twitter”, “X”, Марк Цукербергийн “Facebook”, “Meta”-гаар шууд дамжуулах гэнэ.