БНХАУ-ын нийслэл Бээжин хотод их хэмжээний бороо орж, үерийн гамшигт нүүрлээд байгаа. Тэгвэл үерийн улмаас амиа алдсан хүний тоо 33-д хүрч, 18 иргэн сураггүй болоод байгааг Бээжин хотын албаны хүмүүс мэдээлжээ.

                      Бээжин хотын захиргааны албаныхны мэдээллээр үерийн гамшиг эхэлснээс хойш тус хотод 59 мянга гаруй барилга, байшин нурж, хотын захын 150 орчим байшин уруйн үерт урссан аж. Мөн хотын бүсийг хамарсан 100 гаруй зам, гүүр эвдрээд байгаа бөгөөд 15 мянга гаруй тариалангийн талбайг хамраад байгаа юм байна.