Украины албаны хүмүүс өнгөрсөн шөнө нийслэл Киев хотыг чиглэн явж байсан 10 гаруй дроныг устгасан талаар мэдээлжээ. Тодруулбал, Киев хотын цэргийн захиргааны дарга Сергей Попко “Дронууд олон чиглэлээс нэгэн зэрэг хот руу нэвтэрсэн. Харин хотын агаарын довтолгооноос хамгаалах хүчин дроныг илрүүлж, нэн даруй устгасан” гэсэн байна. Мөн тус хотын дарга Виталий Кличкогийн мэдээлснээр дроны дэлбэрэлтийн улмаас гэмтэж, бэртсэн хүн байхгүй гэнэ.

                                          Киев рүү нэвтэрсэн дронуудыг Оросын армиас удирдаж байсан ч дроныг нь Иранд үйлдвэрлэсэн байгааг Украины талаас мэдэгдээд байна.