БНХАУ-ын нийслэл Бээжин хот, Фүжянь, Хэбэй зэрэг мужид их хэмжээний бороо орж, үерлэжээ. Үерийн улмаас өнгөрсөн хоёр өдөрт дөрвөн хүн амиа алдаад байгаа бөгөөд тус улсын Гамшгаас хамгаалах албанаас “Доксури” нэртэй хар салхи ойртож байгаатай холбоотойгоор нийслэл Бээжин хотоос 30 мянга гаруй хүнийг нүүлгэн шилжүүлсэн талаар “CCTV” мэдээлсэн байна. Мөн“Xinhua” агентлагийн мэдээллээр үер, усны гамшгийн улмаас Фүжянь мужид 500 мянга орчим хүн орох оронгүй болоод байгаа аж.

                        Одоогоор БНХАУ-ын Гамшгаас хамгаалах албанаас орон нутгийн холбогдох албатай хамтарч “Доксури” шуурганаас урьдчилан хамгаалах ажил зохион байгуулж байна. Түүнчлэн Бээжин хот, Хэбэй мужид дахин их хэмжээний бороо орох төлөвтэй байгааг анхааруулжээ.