БНКУ-д амьжиргааны өртөг, татварын өсөлтийг эсэргүүцсэн жагсаалын үеэр цагдаагийн байгууллагаас гал нээж, хоёр хүний аминд хүрч, 14 хүнийг хүнд шархдуулаад байгаа гэнэ. Тухайлбал, лхагва гарагаас эхэлсэн эсэргүүцлийн жагсаал тэмцлийн хурц хэлбэрт шилжиж, жагсагчид цагдаа, хууль хүчний байгууллагын алба хаагчид руу чулуу шидэж, гудамж, талбайд автомашин, дугуй шатааж байжээ. Эхний ээлжид хамгаалалтын албаныхан жагсагчдын эсрэг нулимс асгаруулагч ашигласан ч жагсаал намжаагүй байна. Улмаар цагдаагийн алба хаагчид гал нээсэн гэнэ.

                    Одоогоор гал нээх тушаалыг хэн гэгч албан тушаалтан өгсөн нь тодорхойгүй байгаа юм байна. Харин эсэргүүцлийн жагсаалтай холбогдуулан 300 орчим хүнийг баривчилснаас ес нь сөрөг хүчний өндөр албан тушаалтан байгаа аж.