Эмэгтэйчүүдийн хөл бөмбөгийн дэлхийн аварга шалгаруулах тэмцээн өнөөдөр Шин Зеландын Окленд хотод эхэлнэ. Тэгвэл дэлхийн аварга нээлтээ хийж, эхлэхээс хэдхэн цагийн өмнө Окленд хотын төвд буудалцаан болж, хоёр хүн амиа алдаж, зургаан хүн шархаджээ. Буудалцааны талаарх дэлгэрэнгүй мэдээлэл олон нийтэд ил болоогүй байгаа бөгөөд Шинэ Зеландын хэвлэлүүд уг хэргийг эмэгтэйчүүдийн дэлхийн аварга шалгаруулах тэмцээнтэй холбон мэдээлж байгаа аж.

                        Мөн энэ талаар Окленд хотын захирагч Уэйн Браун “Олон улсын хөл бөмбөгийн холбооны ажилтнууд болон баг, тамирчид аюулгүй байгаа. Миний хувьд Окленд хотод ийм зүйл болж байсныг санахгүй байна. Өнөөдөр оклендчуудын хувьд маш эмгэнэлтэй явдал боллоо” хэмээн “Twitter” хуудастаа жиргэжээ. Харин Шинэ Зеландын Ерөнхий сайд Крис Хипкинс “Окленд хотын төвд болсон буудалцааныг терроризм гэж үзэхгүй байна. Хэргийн шалгалт, мөрдөн байцаалтад ямар ч дүн гарсан дэлхийн аварга шалгаруулах тэмцээний төлөвлөгөө, хуваарийн дагуу явна” гэсэн байна.