Нэрт реппер Тупак Шакур 1996 оны есдүгээр сарын 13-ны өдөр автомашинтайгаа зам дээр зогсож байгаад бусдад буудуулж, амиа алдсан. 25 насандаа өөд болсон нэрт репперийн амиа алдсан хэрэгт сэжигтэн, холбогдогчоор хүн татан шалгаагүй байсаар хэргийг нь хаасан байдаг. Тэгвэл нэрт репперийн амиа алдсан хэргийг дахин сэргээж, дахин шалгалтын ажиллагаа явуулж байгааг Лас Вегас хотын цагдаагийн албаны эх сурвалж баталжээ.

Одоогийн байдлаар цагдаагийн алба хаагчид Тупак Шакурын Лас Вегас хотод амьдарч байсан гэр, ойр орчмоос нь шалгалтын ажиллагаагаа эхлүүлээд байгаа бөгөөд шалгалт, эрэн сурвалжлах ажиллагааны талаар тодорхой мэдээлэлгүй байна.

                     Нэрт реппер Тупак Шакурын уран бүтээлийн нэр нь 2PAC. Тэрээр 1991 онд анхны цомгоо гаргаснаас хойш “California Love”, “All Eyez on Me”, “Changes”, “I Ain’t Mat at Cha” зэрэг хит дуугаараа олны танил болж, дэлхий даяар 75 сая гаруй борлуулалттайгаар Рок-н-роллын алдрын танхимд заларсан билээ.