Нидерландад колоничлуулж байсан Индонез, Шри-Ланка зэрэг орон түүхэн дурсгал, үнэт эрдэнэсээ эргүүлэн авах хүсэлтийг Нидерланд Улсын Засгийн газарт удаа дараа тавьж байжээ. Тэгвэл тус улсын Соёлын сайд Гунай Услу Нидерланд бусад орныг колоничлож байхдаа булаан авсан үнэт дурсгал, олдворуудыг эргүүлэн өгөхөөр болсон талаар албан ёсоор мэдэгдсэн байна. Мөн тэрбээр “Бид зүгээр ч нэг обьектуудыг буцааж өгөөгүй. Энэ нь Индонез, Шри-Ланкатай хамтран ажиллах шинэ ирээдүйг бүтээнэ” хэмээн онцолсон аж.

                      Нидерланд Улс үүсгэн байгуулагдсан цагаасаа хойш анх удаа колоничлосон орныхоо түүхэн дурсгалыг эргүүлэн өгөх шийдвэр гаргаж байгаа бөгөөд эргүүлэн өгч байсан зүйлд эрдэнийн чулуугаар бүрэн хүрэл их буу, “Ломбокийн эрдэнэс” гэж нэрийддэг үнэт эрдэнэ байгаа гэнэ.