“Вагнер”-ын бүлэг цэргүүдээ ОХУ руу оруулж, Ростовын цэргийн штабыг хяналтдаа аваад байгаа. Евгений Пригожиний удирддаг хөлсний цэргийн “Вагнер” бүлэглэлийн уг үйлдлийг ОХУ-ын Аюулгүй байдлын албанаас зэвсэгт бослого хэмээн үзжээ.

              Тэгвэл зэвсэгт бослого гаргаад байгаа “Вагнер”-ын удирдагч Евгений Пригожин ОХУ-ын Ерөнхийлөгч Владимир Путин, Батлан хамгаалахын сайд, Аюулгүй байдлын албаны дарга тэргүүтэй хүмүүстэй хяналтаа тогтоогоод байгаа Ростов хотод уулзах хүсэлтэй байгаагаа мэдэгдсэн байна. Пригожиний мэдээлснээр Оросын армийн цэргүүд Батлан хамгаалахын сайд Сергей Шойгугийн тушаалаар “Вагнер”-ын цэргүүдэд цохилт өгсөн учир “Шударга ёс нэхэж байна” гэжээ. Харин ОХУ-ын Ерөнхийлөгч Владимир Путин албан ёсны мэдэгдэлдээ “Зэвсэгт бослого гаргагчдыг хатуу шийтгэнэ. Яг одо ОХУ ирээдүйнхээ төлөө хамгийн ширүүн тулаанаа хийж байна. Гэтэл “Вагнер” зэвсэгт бослого гаргаж, ОХУ-ыг “араас нь хутгалж” байна” гэсэн аж.