Титаник хөлгийн сүйрсэн газрыг үзэхээр шумбасан жуулчдын шумбагч онгоц сураггүй болжээ. “OpenGate”-ийн жуулчдын шумбагчид таван хүн байсан бөгөөд онгоц шумбаснаас хойш 1:45 цагийн дараа холбоо тасарч, байршил тогтоогч нь ажиллахаа больсон байна. Одоогоор онгоцонд 70 хүртэлх цаг ашиглах хүчилтөрөгч үлдээд байгааг албаны хүмүүс мэдээлжээ. Титаник хөлөг онгоц живсэн, сураггүй болсон жуулчдын онгоц шумбасан газар нь Канадын Сент-Жонс хотод байдаг ч хоёр орны Засгийн газрын агентлагууд, АНУ, Канадын тэнгисийн цэргийн хүчин, эргийн хамгаалалтынхан хайгуулаа АНУ-ын Бостон хотоос эхэлсэн гэнэ.

Ташрамд дурдахад, “OpenGate”-ийн жуулчны шумбагчаар живсэн Титаник хөлгийг үзэх найман өдрийн аяллын нэг тасалбар 250 мянган ам.долларын үнэтэй бөгөөд сураггүй болсон шумбагч онгоцонд Британийн тэрбумтан Хамиш Хардинг тэргүүтэй хүмүүс байгаа юм байна.