БНЭУ-ын хамгийн олон хүн амтай Уттар Прадеш, Бихар мужид өнгөрсөн өдрүүдэд 96 хүн хэт халалтын улмаас нас барсан байна. Тодруулбал, нас барагсад 60-аас дээш насны, эрүүл мэндийн суурь өвчтэй байсан нь хэт халалтын улмаас хүндэрч, үхэлд хүргэснийг тогтоогоод байгаа талаар эрх баригчид мэдээлжээ. Мөн Уттар Прадеш мужийн Баллиа хотод 300 гаруй хүн хэт халуунд  суурь өвчин нь сэдэрч, эмнэлэгт хүргэгдсэн байна. Тус хотод өнгөрсөн өдөр 43 хэмд хүрч халсан аж.

Одоогийн байдлаар эрх баригчдын зүгээс иргэдийг онцын шаардлагагүй бол өдрийн цагаар гэрээсээ гарахгүй байхыг анхааруулж байгаа юм.