Украины талаас өнөөдөр Оросын армид эзлэгдээд байгаа Луганск хотоос 150 хүүхдийг ОХУ руу албадан гаргасан талаар мэдээллээ. Тус улсын Үндэсний эсэргүүцлийн төвийн мэдээллээр хүүхдүүдийг энэ сарын 8-нд Луганск хотын Старобилскээс ОХУ-ын Карачай-Черкеси Улсын Прикубаны хоёр төвд аваачсан аж.

                 Өнгөрсөн сард Украины Ерөнхийлөгч Володимир Зеленский “Украины Оросын армид эзлэгдсэн нутгаас 19,393 хүүхдийг хууль бусаар ОХУ руу гаргасан” гэж мэдэлээд байсан. Мөн хүүхдийн эрхтэй холбоотой хэргээр Олон улсын эрүүгийн шүүхээс ОХУ-ын Ерөнхийлөгч Владимир Путиныг баривчлах шийдвэр гаргаад байгаа билээ.