ОХУ, Украины дайны сэдэв эргэн сэргэж эхэллээ. 473 дахь өдрөө үргэлжилж байгаа дайн өдгөө Украины дөрвөн бүс нутагт үргэлжилж байна. Шинэ мэдээллээр Оросын арми Украины хэд хэдэн нутагт агаарын цохилт өгсөн ч Украины Ерөнхийлөгч Володимир Зеленский “Хамгаалалтаас хариу довтолгоонд шилжих ажиллагаа эхэлсэн. Амжилттай явж байгаа” хэмээн мэдэгдсэнийг олон улсын хэвлэлүүд мэдээлжээ.

                        Мөн Москвад хотод Америкийн дуучин, хөгжимчин Майкл Трэвис Лийкийг Оросын хууль, хүчний байгууллагынхан баривчилсан гэнэ. ОХУ-ын төрийн хэвлэлээр тус дуучныг хар тамхитай хэрэгтэй холбогдогдуулан баривчилсан гэсэн бол барууны хэвлэлүүд Майкл Трэвис Лийк өмнө нь АНУ-ын армийн шүхэрчин байсантай холбоотойгоор баривчилсан байж болзошгүй хэмээсэн байна.