Колумбын Амазоны ширэнгэд сууж явсан онгоц нь осолдож, 40 хоногийн турш ширэнгэн дунд амьдарсан дөрвөн хүүхдийг олсон талаар олон улсын хэвлэлүүд мэдээлж байна. Тодруулбал, өнгөрсөн тавдугаар сарын 1-нд Амазоны ширэнгэ дээгүүр нисэж байсан бага оврын онгоц осолдож, ослоос амьд үлдсэн 1-13 насны дөрвөн хүүхэд ширэнгэд амьдарч байжээ. Харин хүүхдүүдийн ээж, хоёр нисгэгч нас баржээ.

                   Одоогоор ширэнгээс олдсон хүүхдүүдийг цэргийнхэн хамгаалалтдаа авч, орон нутгийн эмнэлэгт биеийн байдлыг нь үзүүлж байгаа аж. Ослоос амьд үлдэж, 40 хоног ширэнгэд амьдарсан дөрвөн хүүхдийн талаар Колумбын Ерөнхийлөгч Густаво Петро “Ид шид тохиож байна” хэмээн мэдэгдсэн байна.