БНСУ-ын Үйлдвэрчний эвлэлийн холбоонд харьяалагддаг үйлдвэрийн ажилчид ажил хаялт зарлаж, Ерөнхийлөгч Юн Сук Ёолыг огцрохыг шаардан жагсаж байна. Тодруулбал, жагсаалд 40 мянга орчим хүн оролцож байгаа бөгөөд жагсагчдын ажил хаялт, эсэргүүцлийн жагсаал 48 цагийн турш үргэлжлэх аж.

                     Хууль, хүчний байгууллагаас жагсагчдын маршрутын явж өнгөрөх замын хөдөлгөөнийг зогсоож, орон нутгийн тээврийг ч зогсоогоод байгаа юм байна. Одоогоор эсэргүүцлийн жагсаал тайван өрнөж байгаа ч цагдаа, жагсагч нарын дунд бага зэрэг мөргөлдөөн гарч болзошгүйг гаднын хэвлэлүүд анхааруулжээ.