“Хойд урсгал-1” хоолойд өнгөрсөн оны есдүгээр сард дэлбэрэлт болж, ашиглагдах боломжгүй болсон. Хоолойн дэлбэрэлтийн талаар Америкийн сэтгүүлч Сеймур Херш “АНУ өөрсдөө дэлбэлсэн” тухай энэ оны эхээр мэдээлж байсан. Тэгвэл шинэ мэдээллээр дэлбэрэлт болсон “Хойд урсгал-1” хоолойн ойролцоо Оросын тэнгисийн флотын хөлөг онгоцнууд байжээ. Уг баримтыг “Путины дайны сүүдэр” баримтат цувралаар ил болгосон бөгөөд ОХУ-ыг ч “Хойд урсгал 1” хоолойн дэлбэрэлтэд холбоотой байж болзошгүй сэжүүр гарч ирж байгааг гаднын хэвлэлүүд онцолсон байна.