Туркийн Ерөнхийлөгч Режеп Тайип Эрдоган “Исламын улс” бүлэглэлийн толгойлогчийг устгасан талаар мэдэгдэл хийжээ. Хэдэн өдрийн өмнө АНУ-ын албаны эх сурвалжууд “Афганистаны нийслэл Кабул хотын нисэх онгоцны буудалд алан хядах ажиллагаа зохион байгуулсан “Исламын улс” бүлэглэлийн толгойлогчийг Талибан бүлэг устгасан гэж мэдэгдсэн. Тэгвэл Ерөнхийлөгч Эрдоган “Исламын улс” бүлэглэлийн толгойлогч Абу Хуссейн аль-Курашийг Сирид байхад нь Туркийн тагнуулын алба устгасан” хэмээн орон нутгийн “TRT Turk” телевизэд өгсөн ярилцлагадаа хэлсэн байна.

Туркийн Ерөнхийлөгч Режеп Тайип Эрдоганы мэдэгдсэнээр тус улсын тагнуулын алба “Исламын улс” бүлэглэлийн толгойлогчийг удаан хугацаанд мөрдөж байсан гэнэ. Улмаар тус бүлэглэлийн толгойлогч Абу Хуссейныг Сирийн Жандарис хотод байхад нь тогтоож, устгасан тухай мэдээлжээ.