Украины Херсон хотод “La Repubblica” сонины багийнхантай хамтран ажиллаж байсан украин сэтгүүлч Оросын мэргэн буучдад буудуулж, амиа алджээ. “The Guardian”-ы мэдээллээр өөр нэгэн итали сэтгүүлч шархадсан бөгөөд мэргэн буучдыг Херсон хотын гүүрний ойролцоо отолт хийсэн гэж таамаглаж байгаа аж.

                         Амиа алдсан сэтгүүлчийн Богдан Битик гэдэг байсан бөгөөд эхнэр, хүүхдийн хамт амьдардаг байжээ. Мөн шархадсан итали сэтгүүлчийг Херсон хотын эмнэлэгт хүргээд байгаа юм байна. Ташрамд дурдахад, ОХУ, Украины дайн эхэлснээс хойш дайны бүсэд 12 сэтгүүлч амиа алдаж, 18 сэтгүүлч шархдаад байгааг Олон улсын сэтгүүлчдийн холбооноос мэдээлжээ.