Испанийн нутаг дэвсгэр дэх Галисын эрэгт хар тамхи тээвэрлэж байсан шумбагч онгоцыг саатуулж, онгоцонд байсан хүмүүсийн баривчилжээ. Цагдаагийн байгууллагын  мэдээллээр шумбагч онгоцонд 150 сая ам.доллартой үнэ дүйцэх гурван тонн кокайн, 20 мянган литр түлш байсан аж. Шумбагч онгоц гар хийцийнх бөгөөд Өмнөд Америкаас хөдөлсөн гэнэ. Одоогоор хар тамхи хаанаас гаралтай, аль бүлэг явуулсныг нь тогтоогоогүй байгаа юм байна.

Мөн Галисын эргээс олдсон гурван тонн кокайнтай тус шумбагч онгоцны хэрэг “Европ дахь хар тамхины хямралыг илчилж байна” хэмээн олон нийт дургүйцлээ илэрхийлж эхэлжээ.