Латин Америкийн цагдаа нар 15 орны хууль, хяналтын байгууллагынхантай хамтарч 20 гаруй хоногийн турш ажиллагаа явуулсны дунд хар тамхины салбарт томоохондоо тооцогддог бүлэглэлүүдийн гишүүнийг баривчилжээ. Ингэхдээ цагдаа нар 8000 гаруй галт зэвсэг, таван тэрбум ам.доллартой дүйцэх хар тамхи хураан авсан байна. Уг ажиллагаанд Мексик, Аргентиний цагдаа нар оролцож Интерполоос зохицуулсан аж.

              Өмнөд, Латин Америкт сүүлийн жилүүдэд гэмт хэргийн бүлэглэлүүд хүчээ авч, зэвсэглэж, хар тамхи наймаалах болжээ. Тухайн бүлэглэлүүд нь цагдаа, хүчнийхэн таарвал шууд буудалцаж, мөргөлддөг гэнэ. 15 орны хууль, хяналтын байгууллагын хамтарсан дээрх баривчилгаа хүчээ авч байгаа бүлэглэлүүдэд томоохон цохилт болж, үйл ажиллагаанд нь саад учруулахыг албаныхан онцолсон байна.