Хятадын алдартай хос акробатч Сужоу хотод тоглолтынхоо үеэр алдаа гаргасны улмаас акробатч Сун өндөр дээрээс унаж, амиа алджээ. “The Paper” сонины мэдээллээр Сужоу хотод болсон тоглолтын үеэр нөхөр Жан гэгч нь агаарт түүнийг барих гээд чадалгүй алдсанаас Сун унаж, газар дээрээ нас барсан байна. Сун, Жан хоёр олон жилийн турш хослон акробатын үзүүлбэр үзүүлж байгаа бөгөөд хамгаалалтын бүсгүй үзүүлбэрүүд үзүүлдгээрээ алдартай байжээ. Нас барсан акробатч Сун нь хоёр хүүхдийн ээж байсан аж.

Акробатч Суны осолтой холбоотойгоор Хятадын “Weibo” сүлжээнд акробатчидыг хамгаалалтын тор, бүсгүйгээр үзүүлбэр үзүүлэхийг эсэргүүцэж, салбар нь зохицуулалтаа сайжруулахыг уриалж эхэлжээ.