Индонезийн баруун бүсэд орших Папуа мужид босогчдод барьцаалагдсан шинэ зеланд нисгэгчийг аврахаар явсан 30 гаруй цэрэг сураггүй болжээ. Эрх баригчдын мэдээлснээр босогчдод барьцаалагдсан нисгэгчийг аврахаар Индонезийн армийн 30 гаруй цэрэг явсан ч эргэж ирээгүй гэнэ. Албаныхны баталснаар зургаан цэрэг амиа алдсан бөгөөд бусад цэргийн нөхцөл байдал тодорхойгүй байгаа юм байна.

Нисгэгч тус бүсийн “Susi Air” компанид ажилладаг бөгөөд хэдэн өдрийн өмнө босогчдод барьцаалагдсан аж. Мөн Папуагийн цэргийн есөн байлдагч босогчдод барьцаалагдаад байгаа гэнэ.