АНУ-ын зургаан мужаас цахилгаан тамхи үйлдвэрлэгч “Juul Labs” компанийг өсвөр насны хүүхдүүдийг гол хэрэглэгчээ болгосон хэмээн буруутгаж, нэхэмжлэл гаргаад байсан. Тэгвэл өнгөрсөн өдөр “Juul Labs” өсвөр насныхныг онилж, гол хэрэглэгчээ болгохыг зорьсон буруугаа хүлээж, нийт 462 сая ам.долларын торгууль төлөхөөр болжээ.

                     “Juul Labs” компани АНУ-ын 30 гаруй муж улстай цахилгаан тамхи нийлүүлэх гэрээтэй юм байна. Харин тус компанийг шүүхэд дуудсан зургаан муж улс “Тамхинаа бага донтуулдаг” хэмээн зар сурталчилгаагаа өсвөр насны хүүхдүүд рүү чиглүүлж байсныг буруутгасан. “Juul Labs” компани үгүйсгэж байсан ч шалгалтын явцад тус компани цахилгаан тамхины сурталчилгаандаа ихэвчлэн өсвөр насныхны дунд алдаршиж байгаа залуу загвар өмсөгч, жүжигчдийг ажиглаж байсныг нь тогтоожээ. Мөн “Juul Labs” компани торгуулийн 462 сая ам.долларыг ирэх найман жилийн дотор төлж, барагдуулахаар болсон байна.

Ташрамд дурдахад, АНУ-ын Өвчнийг хянах, урьдчилан сэргийлэх төвийн мэдээллээр АНУ-д 2022 онд сургуулийн насны 2.5 сая хүүхэд цахилгаан тамхи хэрэглэж байгаа аж.