АНУ-ын Жоржиа мужийн Брунсвик хотод цагаачдыг залилж, хэргийн талаар хууль, хяналтынханд мэдэгдсэн гэрчийг хөнөөсөн Хуан Рангел-Рубио гэгчид шүүхээс бүх насаар нь хорих ял ногдуулжээ.

                         Тодруулбал, Брунсвик хотод Хуан Рангел-Рубио дүүтэйгээ хамтарч АНУ-д хууль бусаар ажиллаж байгаа цагаач ажилчдыг мод тайрах ажилд оруулж, нийт орлого болох 3.5 сая ам.долларыг данс руу шилжүүлүүлэн авсан. Хуан Рангел-Рубио болон түүний дүүгийн залилангийн хэргийг  хууль бусаар АНУ-д амьдарч байгаа цагаачдын нэг нь хэргийн талаар хууль, хяналтын байгууллагад мэдэгдсэн бөгөөд Рангел-Рубио гэрчийг хөнөөсөн байдаг. Улмаар Америкийн цагаачлалын албаны тусгай ажилтнууд, цагдаагийн байгууллага Хуан Рангел-Рубиог баривчилсан юм.

Цагаачдын орлогыг залилж, гэрчийг хөнөөсөн хэрэгт буруутгагдсан ах дүү хоёр өмнө нь нэг иргэний амийг хөнөөхийг завдсан хэргээр ял, шийтгэл эдэлж байсан аж. Шүүхээс  Хуан Рангел-Рубиогийн дүүд ч мөн олон жилийн хорих ял ногдуулсан талаар “Fox news” мэдээлсэн байна.