АНУ-ын Миссури мужид 78 настай эмэгтэй Бонни Гүүчийг гурван удаагийн банк дээрэмдсэн хэргээр мужийн шүүхээс яллажээ. Тодруулбал, тус эмэгтэй 1977 онд Калифорнийн банкийг дээрэмдсэн хэргээр ял сонсож, 2020 онд Канзас хотын захын банкийг дээрэмдсэн хэрэгт холбогдож, хэргийн шалгалтын хугацаа 2021 оны арваннэгдүгээр сард дуусаад байсан аж. Харин Бонни Гүүч өнгөрсөн долоо хоногт Миссури мужийн банкны теллерт “Би чамайг айлгахгүй. Мөнгөө тоололгүй. Зүгээр л өг” гэж хэлээд банк дээрэмдэхийг завдсан хэрэгт буруутгагджээ. Одоогоор тус 78 настай Бонни Гүүчийг саатуулан, шалгалтын ажиллагаа явуулж байгаа юм байна.

Түүний дээрэмдэхийг завдсан гэх банкнаас Миссури мужийн шүүхэд “13 мянган ам.доллар авсан” гэж мэдэгджээ. Харин цагдаагийн байгууллагаас Бонни Гүүч банк дээрэмдэхийг завдахдаа согтууруулах ундааны зүйл хэрэглэсэн байсныг мэдээлээд байна.