Германы хойд хэсэгт орших Хамбург хотын христийн шашны Еховагийн гэрчүүдийн хурлын танхимд халдлага гарч, зургаан хүн буудуулан амиа алджээ. Хамбург хотын цагдаагийн газраас халдлага гарсан танхим болон ойролцоох гудамжинд буудалцаан болсон бөгөөд халдсан этгээд нас барсан талаар мэдээлжээ. Одоогоор халдлагын шалтгааныг тогтоогоогүй байна. Зарим эх сурвалжийн үзэж байгаагаар христэд суурилсан шашны хөдөлгөөн болох Еховагийн гэрчүүдийг үгүйсгэдэг бүлэглэл үйлдсэн байж болзошгүй аж.