Нэрт сагсан бөмбөгч Коби Брайантын эхнэр Ванесса Брайант нөхөр, охиных нь осолд орж, амиа алдсан хэргийн газарт ажиллаж орон нутгийн цагдаагийн газрын дөрвөн офицерийг шүүхэд дуудсан байдаг. Тэгвэл тус шүүх хурал мужийн шүүхэд өнөөдөр болж, Ванесса Брайант ялалт байгуулж, 29 сая ам.долларын нөхөн төлбөр авахаар болжээ.

                          Ванесса Брайантын гомдлын талаар эргэн сануулбал, 2020 оны нэгдүгээр сарын 16-нд нэрт сагсан бөмбөгч Коби Брайант охин Жианнагийн хамт онгоцны осолд орж, амиа алдсан. Харин тус хэргийн газарт очсон орон нутгийн дөрвөн цагдаагийн офицер амиа алдсан алдартан болон онгоцонд осолдсон бусад хүний зургийг авч, интернэтэд зарж байсанд Ванесса Брайант 2021 оны гуравдугаар сард гомдол гаргасан юм.