Грекийн хойд хэсэгт орших Лариса хотын орчимд хоёр галт тэрэг мөргөлдөж, их хэмжээний хохирол учруулсан талаар тус улсын Онцгой байдлын албанаас мэдэгджээ. Осолдсон суудлын галт тэргэнд 350 гаруй зорчигч байсан бөгөөд ослын улмаас 26 хүн амиа алдаж, олон хүний биеийн байдал хүнд байгаа юм байна.

                               Суудлын галт тэрэг Грекийн Салоники, Лариса хотын хооронд явж байсан бөгөөд ослын улмаас Лариса хотыг нүүлгэн шилжүүлсэн талаар эх сурвалж “Reuters” агентлагт мэдээлсэн аж. Одоогоор галт унтраах ангийн 17 машин ослын газарт гал унтраахаар ажиллаж байна. Мөн ослын талаар орон нутгийн оршин суугч “Газар хөдлөлт шиг л байсан” гэжээ.