Иран Улсын иргэд дунд бухимдал үүсгэж, олон нийтийн шүүмжлэлд өртөөд байсан охидын сургууль руу халдаж, хийгээр хордуулсан хэрэг эрүүгийн хэрэг үүсгэн шалгаж эхэлсэн талаар тус улсын Ерөнхий прокурор мэдэгджээ. Эхний халдлага өнгөрсөн 2022 оны арваннэгдүгээр сарын 30-нд болсон бөгөөд Кум хотын охидын сургуулийн 18 сурагч хийнд хордож, эмнэлэгт хүргэгдсэн байдаг. Тэгвэл хийн хордсон охидын тоо 700 гаруй болсон талаар Ираны Ерөнхий прокурор мэдэгдэлдээ дурджээ. Одоогийн байдлаар хордсон охидоос нас барсан тохиолдол гараагүй юм байна. Хордсон охидод амьсгалын замын эмгэг, дотор муухайрах, толгой эргэх, ядрах зэрэг зовиур илэрч байгаа аж.

                                      Охидыг хордуулсан хэргийг Ираны Ерөнхий прокурор “Урьдчилан санаачилсан гэмт хэрэг” гэж тодорхойлсон бол тус улсын Эрүүл мэндийн дэд сайд “Зарим хүн бүх сургуулийг, тэр дундаа охидын сургуулийг татан буулгахыг хүсэж байгаа нь тодорхой боллоо” хэмээн мэдэгджээ.