Хонконгийн загсар өмсөгч, инфлюенсер Эбби Чой өнгөрсөн лхагва гарагт сураггүй болсныг ар гэрийнхэн нь мэдэгдсэн. Тэгвэл Эбби Чойн цогцсыг бямба гарагт салсан нөхрийнх нь гэрийн ойролцоох түрээсийн байрнаас олжээ. Цагдаа нарын мэдээлснээр загвар өмсөгчийг хөнөөж, хэдэн хэсэг болгон мөчилсөн байсан бөгөөд хэргийн газраас зүсэгч, цахилгаан хөрөө зэргийг олсон аж.

                                   Загвар өмсөгч эмэгтэйг онц хэрцгийгээр хөнөөсөн хэрэгт түүний салсан нөхрийг буруутган эрэн сурвалжилж эхэлсэн бөгөөд хотын захын Тунг Чунг гэх усан онгоцны зогсоолоос баривчилжээ. Тус хэргийг хариуцаж буй цагдаагийн ахлах ахлагч Алан Чунгийн мэдэгдсэнээр сэжигтэн оргон, зугтахыг завдсан гэнэ. Одоогоор талийгаач Эбби Чойгийн хуучин нөхөр болон эцэг, эх, ахыг нь саатуулан байцаалт авч байгаа юм байна. Мөн талийгаачийн цогцсын зарим хэсэг нь олдохгүй байгаа тул хайх ажиллагаа явуулж байгаа аж.