Итали Улсын өмнөд хэсэгт орших Калабри мужийн Кротоне хотын далайн эрэг орчимд усан онгоц газардах явцдаа осолдсон гарсан. Тэгвэл Италийн албаны мэдээллээр ослын улмаас онгоцонд байсан 59 цагаач амиа алдсан бөгөөд амиа алдагсдын 12 нь бага насны хүүхэд байсан аж. Харин ослын газарт ажиллаж буй Италийн Дотоод хэргийн сайд Маттео Пиантедосигийн мэдэгдсэнээр ослын дараа онгоцны 30 гаруй зорчигч сураггүй болоод байна.

                                  Онгоцны ослын улмаас амиа алдсан иргэдийн цогцсыг Кротоне хотын ойролцоох далайн эргийн амралтын газраас гарган авсан бөгөөд амиа алдагсдын дунд хэдхэн сартай нярай байсан талаар Италийн “Анса” агентлаг мэдээлжээ. Харин Эргийн хамгаалалтын албанаас онгоцны 80 гаруй зорчигчийг аварсан тухай мэдэгдсэн юм.