Турк, Сирийн хил бүс нутагт 7.8 магнитудын хүчтэй газар хөдөлж, онц байдал зарлаад байгаа. Газар хөдлөлтийн улмаас амиа алдсан хүний тоо 7000 гаруй болсон. Тэгвэл шинэ мэдээллээр Сирийн баруун хойд нутагт аврагчид барилгын нуранги дороос нярай охин аварсан талаараа мэдэгдсэн байна. Албаны хүмүүсийн таамагласнаар гамшиг болохын өмнө төрсөн бөгөөд ар гэрийнхэн нь амь үрэгдсэн аж.

Турк Улсын хилийн ойролцоо оршдог Сирийн Идлиб мужийн Жиндайрис хотоос нярайг олж аварсан бөгөөд одоогийн байдлаар нярайн биеийн байдал хэвийн байгаа гэнэ.