Турк, Сирийн хилийн бүс нутагт өнгөрсөн өдөр 7.8 магнитудын хүчтэй газар хөдөлж, их хэмжээний гамшиг учруулаад байна. Тэгвэл шинэ мэдээллээр Турк, Сирийг дамнасан газар хөдлөлтийн улмаас амиа алдсан хүний тоо 4200-д хүрснийг албаныхан мэдэгдэв.

Турк Улсын Гамшиг, онцгой байдлын алббаны дарга Юнус Сезерийн мэдэгдсэнээр тус улсад газар хөдлөлтийн улмаас 2921 хүн амиа алдаж, 15 мянга гаруй хүн шархдаад байна. Харин Сирийн Хүний эрхийн байгууллагын мэдэгдсэнээр Сирид 1500 гаруй хүн амиа алдаад байгаа юм. Мөн газар хөдлөлтөд өртөх вий хэмээн болгоомжилсон олон мянган хүн Туркийн нийслэл Истанбулын нисэх буудлыг дүүргэж байгаа талаар хэвлэлүүд мэдээлжээ.

                                Хамгийн сүүлийн мэдээллээр Австрали Улс Туркт 10 сая ам.долларын хүмүүнлэгийн тусламж үзүүлэхээ мэдэгдлээ. Мөн Япон, БНСУ, АНУ-аас эрэн хайх, аврах хүчний дэмжлэг үзүүлэхээ зарлаад байна.