Турк, Сирийг дамнасан 7.8 магнитудын хүчтэй газар хөдлөлтөд 600 гаруй хүн амиа алдаж, 3000 хүн шархадсан талаар албаныхан мэдээллээ. Лондонгийн их сургуулийн эрдэмтдийн үзсэнээр уг газар хөдлөлт Турк, Сирийн түүхэн дэх хамгийн том газар хөдлөлт байж болзошгүй гэнэ.

                                      Сирийн Ерөнхийлөгч Башар Асад болж байгаа үйл явдалтай холбоотойгоор онц байдал зарлаж, Онцгой комиссын яаралтай хуралдаан зарлаж, өөрийн биеэр удирдаж байна. Тус улсын Хүний эрхийн байгууллагаас мэдэгдсэнээр амиа алдсан хүний тоо 320 давж, 600 гаруй хүн шархаджээ. Харин Турк Улсын дэд ерөнхийлөгч Фуат Октайгийн мэдэгдсэнээр тус улсад гамшгаас болж амиа алдсан хүний тоо 284-т хүрч, 2300 гаруй хүн шархдаад байгаа юм. Туркийн Гамшиг, онцгой байдлын албаны мэдээлснээр тус улсад 40 гаруй удаа газар хөдөлсөн гэнэ. Одоогийн байдлаар газар хөдлөлтийн улмаас нурангид дарагдсан иргэдийг эрэн хайх, аврах ажиллагаа үргэлжилж байгаа бөгөөд гамшгийн зэргийг тогтоохоор ажиллаж байна. Мөн Сирийн албаны хүмүүсийн мэдэгдсэнээр газар хөдлөлтийн төв нь тус улсад байдаг дүрвэгсдийн хуарантай ойролцоо байгааг сануулж, хариу арга хэмжээ төлөвлөн ажиллаж байгаа аж.

Эх сурвалж: The Guardian, BBC