Тегераны эрх чөлөөний цамхгийн дэргэд бүжиглэж буй бичлэгээ цахим сүлжээнд нийтэлсэн хос 10 жилийн хорих ялаар шийтгүүлжээ. Тодруулбал, 21 настай Астиаж Хакики бүсгүй болон түүний сүйт залуу 22 настай Амир Мохаммад Ахмади нар гудамжинд бүжиглэж байгаагаа дүрсжүүлэн “Инстаграм” хуудсандаа байршуулсан. Харин уг бичлэгтэй нь холбоотойгоор залуу хосыг яллаж, 10 жилийн хорих ял ногдуулахаар болсон байна. Албаны эх сурвалжийн мэдээлснээр тэднийг хахууль, биеэ үнэлэлт, суртал ухуулгын хэрэгт буруутгаж байгаа аж.

                                   Залуу хос бүжиглэж буй бичлэгээ Иранд үргэлжилж байгаа эсэргүүцлийн жагсаалтай холбоогүй гэдгээ батласан ч шүүхийн шийдвэр гарсан. Одоогоор Астиаж Хакики, Амир Мохаммад Ахмади нарт олон нийтийн сүлжээ ашиглах, хил давахыг нь хориглоод байгаа юм байна.