Израилийн нийслэл Иерусалим дахь мөргөлийн өргөөнд халдлага гарч, долоон хүн амиа алдаж, гурван хүн хүнд шархадсан хэрэг гарчээ. Тодруулбал, хэрэг Иерусалимын Неве Яков дүүрэгт орон нутгийн цагаар 20:00 цагт болсон бөгөөд албаныхны онцолсноор сүүлийн хэдэн жилд гарсан халдлагуудаас хамгийн олон хүний үрэгдсэн халдлага болсон байна.

Хэрэг гарах үед мөргөлийн өргөөнд еврейчүүдийн амралтын өдрийг билэгдсэн мөргөл үйлдэх гэж байсан бөгөөд мөргөл эхлэх үеэр зэвсэглэсэн этгээд гал нээжээ. Орон нутгийн хэвлэлүүдийн мэдээлж буйгаар халдлага үйлдсэн этгээд нь Зүүн Иерусалимд амьдардаг палестин эр гэнэ.