АНУ-ын Калифорни мужид орших Лос-Анжелес хотын нэгэн бүжгийн клубт зэвсэглэсэн этгээд халдаж, 10 хүнийг буудан хөнөөж, 10 гаруй хүнийг хүнд шархдуулжээ. Цагдаагийн байгууллагаас хохирогчдын мэдээллийг чандлан нууцалж байгаа бөгөөд эх сурвалжийн мэдээлснээр 50-70 насны таван эрэгтэй, таван эмэгтэй амиа алдсан аж.

                          Уг хэрэг АНУ-ын олонх хотод болдог Хятадын цагаан сарын баярын цэнгүүний дараа болсон. Тус улсад ажиллаж амьдардаг БНХАУ-ын иргэдийн уламжлал болсон баярын цэнгүүнийг үймүүлж, 10 хүний амийг хөнөөсөн сэжигтний зургийг цахим сүлжээнд нийтлэж, олон нийтэд эрэн сурвалжилс ан байна. Сэжигтэн Ху Кан Тран гэгч нь өдгөө 72 настай бөгөөд бүжгийн клубт 10 хүнийг хөнөөж, 10 гаруй хүнийг хүнд шархдуулсныхаа дараа амиа егүүтгэсэн болохыг Калифорни мужийн цагдаагийн газраас баталжээ.