Дэлхийн толгой баячуудын нэг, “SpaceX”, “Tesla” компанийн үүсгэн байгуулагч Элон Маск өнгөрсөн долоо хоногт 44 тэрбум ам.доллароор “Twitter”-ийг худалдан авсан. Худалдаж авсныхаа дараа Элон Маск “Twitter”-т шинэ функц нэмэн төлбөртэй болгож ажилтнуудынхаа олонх хувийг цомхотгох тухай мэдэгдсэнээс хойш “Twitter”-ийн зарим хэрэглэгч тус платформын хэрэглээгээ зогсоож байгаа гэнэ.

                              Харин “Twitter”-тэй төстэй функцтэй “Mastadon” платформын өнгөрсөн долоо хоногт шинээр 230 мянга гаруй хэрэглэгч бүртгэжээ. Цахим сүлжээний шинжээчид Элон Маскын мэдэгдлүүдээс үүдэн хэрэглэгчид “Twitter”-ийг орхиж, түүнтэй төстэй “Mastadon” платформд нэгдэж байгаа талаар дүгнэлт хийсэн байна. “Mastadon” платформ нь одоогоор 650 мянга гаруй хэрэглэгчтэй болжээ.