БНСУ-ын нийслэл Сөүл хотын И Те Вон дүүрэгт сүнсний баярын жагсаалд оролцож байсан иргэд нэгнээ шахаж, дарж унасны улмаас 151 хүний амь эрсдээд байна. Ослын талаар дүүргийн гал түймэртэй тэмцэх албаны дарга Чой Сон Бум “Амиа алдагсдын олонх нь өсвөр насныхан, залуус байна. Мөн 80 гаруй хүн хөнгөн, хүнд хэлбэрээр бэртэж, гэмтсэн” гэжээ.

И Те Вон дүүрэгт сүнсний баярт оролцож буй олон хүн амиа алдсан хэрэгтэй холбоотойгоор БНСУ-ын Ерөнхийлөгч Юн Сук Ёл аюулгүйн хүчнийхний дунд шуурхай хурал зарлаж, өөрийн биеэр тус дүүрэгт ажилласан гэнэ. Урьдчилсан байдлаар амиа алдсан 151 хүний дунд Иран, Норвег, БНХАУ, Узбекистан зэрэг өөр орны 19 иргэн байсан аж.