Зүүн Европт ОХУ, Украины мөргөлдөөн эхэлснээс хойш хоёр дахь удаагаа АНУ-ын Батлан хамгаалахын сайд Лойд Остин, ОХУ-ын Батлан хамгааахын сайд Сергей Шойгу нар утсаар хэлэлцээ хийсэн талаар барууны хэвлэлүүд мэдээллээ. Өнгөрсөн тавдугаар сарын 13-наас хойш дээд түвшний яриа хийгээгүй хоёр орны Батлан хамгаалахын сайдын энэ удаагийн утсаар хийсэн хэлэлцээрийн үргэлжилсэн хугацааг мэдэгдээгүй аж.

                       Пентагоны Хэвлэлийн нарийн бичгийн дарга, генерал Пэт Райдер хэлэлцээрийн талаар "ОХУ цөмийн зэвсэг ашиглах нөхцөл байдал гараагүй гэж ажиглаж байгаа. АНУ энэ үед ч ОХУ-тай харилцааны шугамаа нээлттэй байлгахыг зорьж байна" гэжээ. Харин энэ удаагийн хэлэлцээрт ОХУ-ыг дайнаа зогсоохыг сануулсан, уриалсан зүйл яригдаагүй гэнэ.

Ташрамд дурдахад, ОХУ, Украины мөргөлдөөн эхлэхээс өмнө АНУ, ОХУ Ерөнхийлөгч нар хэд хэдэн удаа дээд түвшний яриа хийж байсан ч өнгөрсөн хоёрдугаар сараас хойш нэг ч удаа хэлэлцээ хийх талаар яриагүй аж.