Дэлхийн толгой баячуудын нэг, “SpaceX”, “Tesla” компанийн үүсгэн байгуулагч Элон Маск эзэмшиж байгаа компанидаа ажлын байрны цомхотгол хийх төлөвлөгөөтэй байгаа талаар “Washington Post” сонин мэдэгджээ. Элон Маскын төлөвлөгөөгөөр “Twitter” компанийг бүрэн худалдаж авсныхаа дараа нийт ажилчдын 75 хувийг нь халах гэнэ.

“Twitter” компанийн одоогийн удирдлага ирэх 2023 оны эцэс гэхэд ажилчдынхаа 25 орчим хувийг цомхотгох тухай хэлж байсан. Харин Элон Маск өдгөө 7500 гаруй ажилтантай “Twitter” компанийг 2000 ажилтантай болгох цомхотгох аж.