Тайландад хар тамхины хэргээр шалгагдаж, ажлаасаа халагдсан цагдаагийн ажилтан өдөр өнжүүлэх төвд нэвтэрч, сургуулийн өмнөх насны хүүхдүүд болон багш нарыг хөнөөж, улмаар зугтаж явахдаа хүний амь хороожээ. Энэ хэрэг нь тус улсын түүхэн дэх хамгийн олон хүний аминд хүрсэн халдлага гэж үзэж байна. Халдлагын үеэр дор хаяж 36 хүн амь үрэгдсэнээс 22 нь бага насны хүүхэд байжээ. Мөн гэмт хэргийг үйлдэгч нь энэ оны эхээр ажлаасаа халагдаад эхнэр хүүхдээ гэртээ хөнөөсөн байна. Хохирогчдод анхны тусламж үзүүлсэн хүмүүсийн авсан гэрэл зургаас харахад өрөөндөө унтаж байсан хүүхдүүдийн нүүр рүү хутгаар зүсэж, толгой руу нь буудсаны улмаас цус урссан байв. Өөр нэг гэрчийн хэлснээр өдөр өнжүүлэх төвийн ажилчид хаалгыг түгжсэн байсан ч сэжигтэн хаалганы цоожийг буудсан гэж Тайландын TBS телевиз мэдээлэв.