Америкийн нэрт реппер Coolio буюу Артис Леон Айви Жуниор 59 насандаа таалал төгсжээ. Талийгаачийн цогцсыг Лон-Анжелес дахь найзынх нь байшингийн угаалгын өрөөнөөс олсон бөгөөд үхлийн шалтгааныг тогтоогоогүй байгаа аж. Түргэн тусламж үзүүлэхээр очсон эмч нар урьдчилсан байдлаар зүрх нь зогссон тухай мэдэгдсэн байна.

                                    Реппер Coolio 1980-аад оноос хип хоп урсгалаар дуу хийж эхэлсэн бөгөөд 1995 онд олон нийтэд цацагдсан “Gangsta’s Paradise” дуугаараа алдартай. Түүний  “Gangsta’s Paradise” дуу орчин үеийн “Spotify” платформд гэхэд тэрбум гаруй үзэлттэй байдаг. Мөн Coolio 1990-ээд оны дунд үед гаргаж байсан “It Takes a Thief”, “My Soul” цомгоороо олны хүндэтгэлийг хүлээсэн реппер байв.