ОХУ-ын Ерөнхийлөгч Владимир Путины шийдвэрээр тус улс даяар цэргийн дайчилгаа зарласан. Анх тус улсын Батлан хамгаалахын сайд Сергей Шойгугийн хэлснээр “Зөвхөн цэргийн туршлагатай хүмүүсийг дайчилгаанд хамруулна” гэж байсан ч одоо насанд хүрсэн бүх эрэгтэйг дайчилгаанд хамруулж байгаа юм. Мөн дайчилгаанаас зайлсхийсэн залуусыг эх орноосоо урвасан хэргээр 15 жилийн хорих ял ногдуулах хууль ОХУ-ын парламентын доод танхим буюу Төрийн Думаас баталсан.

                           Тэгвэл ОХУ дайчлагдаж байгаа шинэ цэргүүдээ ямар ч бэлтгэл, сургуулилтад хамруулалгүй шууд дайны фронтын шугам руу явуулж байгаа талаар олон улсад хэд хэдэн хэвлэл мэдэгджээ. Энэ тухай Украины Зэвсэгт хүчний жанжин штабаас “ОХУ мөргөлдөөний улмаас амссан хохирлоо сэргээхээр фронтын шугамын анги, нэгтгэлүүдээ нөхөж байна” гэсэн байна.