Уганда Улсын Мубенде дүүрэгт эбола вирусийн 10 сэжигтэй тохиолдол илэрсэн талаар тус улсын Эрүүл мэндийн яамнаас мэдээлжээ. Мөн эболагийн дэгдэлттэй байгаа тус дүүрэгт вирусийн улмаас нэг настай хүүхэд нас барсан байж болзошгүй нөхцөл байдал үүсээд байгаа аж.

                                Одоогийн байдлаар сэжигтэй 10 тохиолдлыг лабораторид шинжилж байгаа бөгөөд 24 цагийн дараа хариу нь гарах гэнэ. Уганда Улсад эбола вирусийн долоон батлагдсан, 11 сэжигтэй тохиолдол илрээд байна. Тус улсын түүхэнд эбола вирусийн дөрвөн дэгдэлт болж, 200 гаруй хүн нас барж байжээ.