ОХУ-ын Ерөнхийлөгч Владимир Путин хэсэгчилсэн цэргийн дайчилгаа зарлаж, зэвсгийн үйлдвэрлэлийг хурдасгах, санхүүжилтыг нэмэгдүүлэх тушаал өгч, Украин руу нэмэлт дайралт хийхээ зарлажээ.  Тэрбээр “Барууныхан манай орныг устгахыг хүсэж байна. Тэд ОХУ-ын эсрэг Украины ард түмнийг их бууны дарь болгохыг оролдсон” гэсэн бөгөөд Владимир Путин барууныхны заналхийлсэн үйлдэлд хариу өгөх олон зэвсэгтэй гэдгээ мэдэгдсэн байна.

                          ОХУ-ын цэргүүд өнгөрсөн хоёрдугаар сард Украин руу цөмөрч орсон ч одоог хүртэл дайн зарлаагүй. Тус улс энэ үйлдлээ цэргийн тусгай ажиллагаа гэж нэрийдээд байгаа. Хэрэв энэ асуудал цаашид даамжирсаар байвал Украины асуудлаар В.Путины дурдаж байсан цөмийн зэвсэг, тус зэвсгийг хэрэглэх эсэхээс шалтгаалан дэлхийн гурав дахь дайн ч эхэлж болзошгүй нөхцөл байдал үүсээд байгааг шинжээчид анхааруулж байна.